حاتم النعماني .

اريد……..ارتاح

اريد..انفض… غبار الكاهل.. من الراح

اريد…….. ارتاح

من حسبة …..كلب…

علما ينوله………. يلوب

ومن. قسمة. عمر

مجفي اعله روس ….ارماح

ومن ليل……..

…..اللي صارت

…..سولته وياي

سامرني بارق….واخلف عليه جناح

ومن مكر… الثعالب

…..لو تداهر بيك..

ومن جف ……اليمسدك

……حدره دمك……….. ساح

اريد……..ارتاح

مني ………شكد..وكح وياي

….عقيم الباطل. انه

…وحقي………..باطل راح

ومن…….. اليستغلك…

غافل …يضن بيك

بس تكشف مرامه

………….يحايلك بمزاح

ومن ناس…. التقزز

بالرياء. …..الناس

متوشمه الكصص ..ماي الوجوه انزاح

والمملي فراغ…….

…..شما رهه اعله الغير

واحد من بعض

فوك الوطيه………….اشباح

والحظهم….معلك

لو حنو ذل

وكبل رفعة الراس

………. اعله الرواسب….. 

طاح

اريد……..ارتاح

من عصف القنابل

….والنفس بارود

ومن موسم حصاد

…………بهل زمان. ….ارواح

ومن حسرة

……الودعوا وطن عز الليل

ومن شوفة طفل…..

….بيده لعبته… .سلاح

اريد……ارتاح

منك يلي ..ساكت ليش

وتدري بايد صفره

 اتسلم المفتاح

مو ثوبك..

…تخرس الصارخات البيك

تتمكيج ….بضد

……..وضدك المنباح

محيط… ومركبك ملغوم

………وحولك قرصنه

…وعكسك… تهب. ….ارياح

ما …طولت شوارب

…….حفنة الدولار…..

……ولا مسحن اثرهن

 ثانيات جناح

اريد…….. ارتاح

من شحت ……الراحه

……وفدرلة …انسان

……ومن ذمه العلي…….

……….ادفع …ثمن… مرتاح

اريد…………ارتاح