ريهام البهادلي / بغداد
عباس مر عالنهر كطعه جروف
كللهه خويه انهير وبعده ازغير
هو الفرات وطاح مايه من الخوف
لمن وصلته احتار ضم روحه ابير
وأذكر يخويه الماي ظل يرجف روج
بالجربة كام ابروحه من روحه ايدير
يا ماي تكشخ بالكصب چنهه رماح
لو كاشخ بعباس عباس اتصير
متحالف وي النار تحرك هالخيام
ما تنزل اعله الكاع ظليت اتطير
باجر تموت وتندفن جوه تراب
تنكلب طين وما يظلك تقدير
لو شاربك عبد الله جا طعمك هيل
جا لونك احمر والشرب بيك ايحير
ريحك تبعثر والطعم ماصخ ذوق
لونك شرد من جاك عباس ايغير
لو ما چفوفه اتلامسك چا كرهوك
چا هسه منكر ما صرت للتطهير
بحرورة العباس صرت انت الغيم
اهل العلم عميان صاحو تبخير
قران يشرب لو عطش شله بماي
من جربة العباس تسمع تكبير
وام البنين اتصيح زينب تكوين
بشريني بالعباس هم بعده ينير
عباس يا عباس اه يا عباس
عباس بالعباس مابي تقصير
