محمد غازي الدراجي/ كربلاء
فرهدو عمدان حيلي وصرت اطيح
وبيه زينب من حظرتي اخذوهه
وراح اسولفلك بعد عالبيه صار
انه ما شوف وشفت ضربوهه
ها كمر هاشم جنت مشتعلة نار
المني طلعت لا تظن شافوهه
انه خيمة وما طلع من عندي صوت
وياهو كلك زينب يسمعوهه
بيه طفلة من حجت جا عمي وين
يهون بيه الحرك من شتموهه
اني ولبيه عطشنالك تعال
موش للماي الكمر عطشوهه
اشظال بيه الباقي من حيلي رماد
بيه إلمن من شفت كادوهه
والله فشلة من الكمر خافن اطيح
وفشلة من اهلج لأن شدوهه
كون بيدي افرشلج الدنيا فياي
واني بيتج وين ما حطوهه
وين الله وكون هسه اهلج يجون
وجان ما وصلو الي وطبوهه
