زهران النعيمي / بابل

احنه بولايتنه

فقره 

مليار ديريت شرف

عدهم العباس نسمة

والحجاب بزينب اسمه

رايه ماشارين بس

اكلوبهم للطف ترف

وادم تنام وتصلي

ومن تصلي ترد تنام

يصير الك مديون لمن

تمرك اعلي بالسلام

بالخلق شاريهم الله

والله الهم سوه سمعة

فلوس ماعدهم خطية

طبخو بعاشور دمعة

اطفالهم حفضو نشيد

 سجلوهم بالمدارس

ياحسين وياحسين

احنه كلنه اولاد عابس

والمدارس بطلتهم

كالتلهم يله كافي

المشرف يدور شياكة

ومايريد انسان حافي

رجعو وكالو لبوهم

بويه ليش معذبين

بويه خلنه بلا مدارس

ندرس بطف الحسين

كلشي عدنه يصير فطرة

حته من ندفع الفطرة

ليش ماندري بدفعها

واحنه فقره ونطي فقره

بويه مو تعليم عدهم

مدري شنهي وجوه جام

علمونه الخوف حصرا

ماسمعنه الاحترام

واحنه يابويه بطبعنه

زود من عباس اخذنه

شكد يحبه حسين لكن

احترامه شكد لخوه

كلها راح تصير اوادم

لو نهجهم درسوه