الشاعر / امجد الدراجي
من باكوك عينك عينك بنص ناس
جنت كاعد واشوف الدنية ظهرية
من قارنت وضع البي اجو واخذوك
كلت اخلاق عد كل الحرامية
رحت وسنيني ركظت ركظة طويريج
اعت بصباي بس الكبر عت بيه
مو من حمل ظهري اتكسر وباد
لا من اسمعت خاطرك مكسور
يالخليتني اتلفت بالاوداع
التفاتة خوف واحد دمة مهدور
خبصة سوك حجيك وافتهم زين
واكل لا سمعتة وهوة مجبور
وافز مثل الحديثة السمعت بشاب
اذا طاريك احسة وي الهوى يدور
انة تمنيت عندي عيون دفان
اموتك بيها كد ماشايل كبور
انة شفايتلي وتهد هدة الخيل
تعطلك مهرة تعثر رملة وتغور
جان اصرار جسمك قبل الاجدام
واكول الهوة يدفعة جسمة معذور
عليك اعلة وارد لذلتي بساع
يعوف الماي بس يرجع الناعور
ولجمتي وحسرتي وبنصهن احتار
تخيل بالعذاب الصار جوة
لاام لاابو لاولف الي هناك
لاكاروك ينهز لاكو لوة
على طاريك ارجف مايقبلون
بالبسكوت اكزبر نفسي كوة
ومو فارس واطيحن وارجع النوب
انة سنين اتتطشر موش كبوة
بديت اتنازل ايدك جسمك يروح
المشاعر باقية الاعضاء فدوة
وبديت احسب سنيني حساب مطعون
واستخدم اداة احدث واقوى
العالم الفات اكول الخنجر الفات
وسندت العمر يم حيطان رخوة
شخبارك وانت بنصم تبات
الحجي ابيناتنه الاخبار حلوة
