الشاعر / علي الضرغام
ابشرج صار بيه الانتي رتديه
مثل ماصار بيج المااريده
عشرتي وياج خلصت كلهه حسرات
مثل عشرة الشاعر بالقصيدة
الشاعر يكتب البيت الياذيه
والجمهور يفهم كله عيدة
من يعيده يعني يعيد الجروح
يظل يذكره بجروحة البعيدة
لذلك مايعيده انشوفة مرات
يعبره وجنة يقراله بجريدة
ومايرسم صور بس يرسم جروح
صعبة انسان يرسم جرحه بيده
قرو كبلي شعر راح اقره الجروح
واسمعج راح الجروح الجديدة
بيوم تلاثين ثنعش طلعت الروح
وبديه انه كتبت ورقة وفاتي
بعدلي ايام لكن شنهي الايام
اذا كدامي شنقوهه امنياتي
سبب موتي طلع عرفوه الاطباء
السبب جان الرئيسي انتي بمماتي
لكو اسمج بدمي وبالشرايين
وبالتشريح شافوج بنواتي
بيهه اشكال شرعي الكعده وياي
كبل ايام جنتي بمشتهاتي
تلاعب عدهه بالحب بالاحاسيس
وتلاعب عندي بس بمفرداتي
اعتبرني اختك تكلي انساني وانساك
صعبة شلون احسبج من خواتي
كبل للباب اكلج لاتطلعين
هسه شلون اطلعج من حياتي
وعليج اسود لبست وكلتي موديل
موموديل اكلج الله يشهد
اكرهة اللون الاسود ماعرف ليش
واحبنه كمت جي كلبج اسود
ابو للحزن كالو همه يعكوب
حزنت اكثر اذن انه اعتبر جد
وعليج انه نحت والله بكثر نوح
ودمع عيوني ابشرج هد على الخد
ونزل للكاع دمعي وسوة طوفان
سفينة حبنه كملت بيهه نصعد
من كلشي انه اصعد زوج لاغير
حالف مااصعد بيهه ازيد
تعاي لوحدج انه صبحت ؟؟
لان من رحتي ماظلالي احد
