حسين الخيكاني/ ديوانيه
مامش صوت… حتى انصيح يمته تعود
ابوفاضل… عطش بالحيل وانت الجود
صحتك والسياط…. تلذذت بگفاي
رد ليه العطش بجفاك مو للماي
رد شوف الندى مگيد.. بسلاسل والهوه مخنوگ
رد وداعتك هودج.. تره هزلة وتعثر النوگ
عفتني بهيمة العاشر.. هيمة ومنكسر خاطر
الله ادره.. بصبح باجر
ردلي … النار طبت ضيف للخيمة
ردلي … بحجة العطشان اريدنك تصح غيمة
ها عباس زينب صاحتك شتوگل
امشي اعللهزل عباس ما معقول
جنت حتى الهوه تخزره.. اذا شفته يطر اخيام
اگعد شوفني بياحال عگبك راح اطر الشام
ابوفاضل سترنه برايتك ملفوف
تعال الموت بينه يطوف
هواي الناس وين الگاك گالو طاح منك چف
راس حسين هالمرفوع هاي الناس دگت دف
واعزازك تراچيهم بيد عداك ونصاغت تراچي الدم
گبل اشتم هوه العباس هسه ارماح گمت اشتم
يصوتي وبيك اسكت الكون الحگ خافن اتلعثم
ضگت المر انه بفرگاك يالطولك نهر زمزم
ورقية اصيح وين العيد عمي اتاخر هوايه
بكتاب الله بديت اقرأ شفت مذبوحة بي اية
يالمروي النهر جفين.. هنيال النهر چي ﻻمس چفوفك
ولبست احرام من اگياد من اسياط وختك گامت اتطوفك
وخذونه ومن خذونه بصوت
صحت عباس انه زينب يخي گوم
اعرف موادعك لينه يخي گوم
يبو فاضل احشمنك يخي گوم
خذو خيتك يخو زينب سبية
