زيد الخفاجي/ النجف الاشرف
حركت ناي بشايف نهر مجروح
شافت شاب كله اجفوف يتحسر
ادري الياس ماخذ عطره من عباس
جاليش النهر شو شافه وتبعثر
طلع عباس دك جرف ابجرف عالماي
جاحكه النهر من خوفه يتعثر
اكلايد موت شده ابركبة العاداه
او يم اليعشك الله ابجوده يتنطر
الله ايحبه كلمن طب على العباس
اوضم جفوفه من زينب خجل واحمر
او رازونة خيم عطره جف دخان
او صدى صوت الحرم بالخيمة ظل يفتر
جرت سيفك اطيح السمه اعله الكاع
او صهيل ابجربتك خله العطش يصفر
امناشغ جيش يبلع خزرتك عالماي
ومنارة صوت زينب منك اوتكبر
كسرت الهوه بريت الفرس عباس
او بسم الله الهوه اليم ريته ظل ينجر
لطم وره على رقة ياس بيه حساس
والعباس بس ابرقته اتفسر
موسفاح بطف غيرته اتزت بي
ولدكلي العطش خله الكمر ينغر
ترف عباس حته ابكعدته على الماي
او مايروي العطش وطفاله تتنطر
ملامح موت تاكل مملكة اطفال
اوسفينة شوك بحرت بالعطش تنجر
مو صوج النهر صوج البشر عباس
او هو الماي مالتنه والي اتفجر
اني ادري اليطير ايحب سمة بلا كاع
وعبد الله يلبس الكاع لون اخضر
