علاء الموسوي / ناصرية
زينب في مجلس يزيد.. يقول لزينب(ع) أرى الخوف في عينيك…. فردت قائلة
آنه بنت اللو برز ترجف عداه
وآنه بنت العالمة بلا معرفة
آنه زينب بيه گلب امي وابوي
لا تظن مجلسك گلبي يرجفه
شاورت روحي بهمس شماتي جيش
رغم كل اسرار ضيمي مكشفة
من صعدت التل ردت شوفي بعيد
ما صعدته بجدم يعثر خايفة
ردت اشوف الدين اتوزر وجيه
وشفته بخواني انتچة وحيل اكتفه
الرؤوس المشت بجدام الرماح
لصفت بظلمتنه لصف المرهفة
ودلت العين اعله عثرات الظلام
حته تشبخهه لاجدام المترفة
وحدر كل رسمة جدم شتلة مقام
وصرح شاهق فوگه راية مرفرفة
وحدر كل راس ورمح خظر شهيد
من الرؤوس اعله الرماح النازفة
يا يزيد الدنيا مو ساحة قتال
ولا قبض خصر الرمال المثقفة
ولو نزال ارجال ما بين الرجال
جيشك الصحراء وحنه العاصفة.
