سيف وليد / بغداد
يندل نثايا الهيل بس ما يدناش
الهن ومايدناش باله المو زين
عباس سالوفة ضوه بنص سرداب
معزب الينخاه يرجع ميتين
بالرية من يأخذ نفس عده حساب
تكفي زينب كون وتشبع حسين
لولا هوى العباس لاختنق الهوى
حتى مصير الكون كان ذاهبا
منذ المهد لن ينسى لحظة سيفه
منذا تجرى قال ينسى زينبا
عباس يتثلم لون مر دخان
خيمة ويوشل حيل ويوج ونين
حسين بس عاينله جر عين الغيم
عباس ويه حسين سالوفة عين
يغمض جفن لو نثية مرت عالبال
بالكصة روجة ماي تترس هورين
لما برز والسيف أنهى نسلهم
ظلت وجوه ألطف لونا شاحبا
لما ارتجل بالصوت قطع رأسهم
وارث صفاتا من ابيه الراهبا
متوارد بيمناه وي ذو الفقار
بسيفه لو سير يطيح جيلين
عباس من خوزر كسر عين الكاع
والماي كتر روحه واتحول طين
لو غطه وجهه الليل مركاض يفوت
والنعم يالممزوج بدر وصفين
لما أتاه الموت خجلانا بكى
قال له مولاي ليه طالبا
قال نعم انهض بروحي صامتا
قاله له لا أستطيع يا ابى
عباس بلل ريجه بدموعه وطاح
والزلم تترادم ابين الجرفين
ودعه زينب والخيم صاحت اخ
كللهة مو وكت الدمع لابعدين
يكسر جنح عصفور لو عاين فوك
لو خوزر الجربة اتحول نهرين
