عباس الحمداني / البصرة
الكمر مابيه شراسة ويلسع النجمات
تعجبني الشمس تعمي اليصد ليها
من تعرك مهرته ايبين الخيال
كون العنده ماضي اليصعد عليها
إذن والسيوف اتيممت بالروس
وصلات المرجلة اعلى الخوف اصليها
عركن والمنية اسرفنت بالروح
تحصد بالمايفكر شنهي تاليها
توازت والنهر ماضمه طول الكاع
لخيتي اليوم أجرن كل سواجيها
شيلة اتوزع اختي لكل بنات الناس
واشيلها الزلم لو ردت اطبليها
عالي وحركن ريشاتي حتى الغيم
ضمت مايها الخافتني ابديها
الصفار العالوجه زاد انعكست علماي
مدري المشرعة اتغير وجه بيها
اكو بروحه شراسة وماتنكله اجدام
الحياية اذب جلدها وماهي رجليها
اختنك خيط الهواء وبالرية ماله اكياش
الكاع اتونست بس موته طاريها
دكت والطبول اتهز جتف عالموت
وروس هواي ضلت ليش اخليها
ادندن عالصدى وموالي صرج السيف
وزفن بالركاب وشرط اغنيها
بدم وسيفي يلبس بدلة العريس
وفتوى وجن محمد هو يحجيها
خيعون الكدر يجمعله روس اثنين
وشرط كون بحلال الباري يهويها
بس سيفي الكدر يجمعله جيل اهناك
وحلال الفتوى هم احسيني فاتيها
