عباس الزركاني/ الكوت
يم طول خلك شنهو طول النهر
هذا الحجي شكد ناس متفسره
عطشان بس تتونس اعلى العطش
والماي يمك ينكسر خاطرة
عباس كالو زينب احتاجتك
واسمع حجيهم وآنه أضل حايرة
الما يعرف أنت شنو يعيد النظر
لا أعيده لصله والقلع خيبره
خلي يرد من عمرك 14
ودكيت ثاية وصارت الزمجرة
من كتله بوية خل اكعد الوفي
بس كلي لتكعدينه كل شي دره
من كالك عباس صفي الزلم
من كتله ابشر غير ابن حيدره
من كالك عباس ضل هسه اجي
وجاوبته وين بنضرة متحيرة
بس كالك عباس لضل قلق
غير النبي وصاني اذب خيبره
بخزره عيونك آل امية انمحو
وعالخوف مو عالموت لزمو سرة
وتل الجثث وصلته يم الخيم
من غير هذا العايفه وعابره
يا خويه وجهك بي ملامح غضب
عباس جنك ناوي اعلى الكنطرة
