محمد الفرجاوي / النجف
بسابع حلم اشهك والنفس ناطور
وانه وياك حل مرافكين، الحل
حسرة مشيتك صفكة بعرس خرسان
وانه بعيني صورة ورابية اعلى الخل
وجه مكفاك يشبه شيلة التابوت
باول خطوة منك رافكاني السل
باب الوجه دلهم والزعل خطار
وانه معزب واعرف الغانمة من الذل
بنشغة موت روحي والنفس ناعور
صح يصعد ولكن نفس ماينزل
مثل حسرة الثكلى الضاع منها وليد
يعثر صوت ليلي ولو حجى يرتل
انه مضيف الدمع جن حاتم ويالضيف
يحوف الليل بيه ومن ارد يختل
بعدك والشماتة اثنين جتالات
الشماتة متانيه وكت الوداع يحل
انا معلم الشمع وبيا طريقة يموت
يشب روحه سوالف والمتون تهل
من اجيك بصورة وكحة بكشخة ولايات
وانته بلا سبب سيف،الفراك تسل
صفت حسرة اعلى روحي مكبرة ودخان
اشد بجروح هجرك والشماتة تحل
غراب يحوم فوك العشرة وكت غروب
شيطانك كحيلة اعلى البعد تصهل
شسولفلك بعد غصت بريتي كبور
ضل اشلع واضل خلافك اني اشتل
