حمزه الناشي/ ديوانية
حسين ابجي عليك واني بظهر ابوي
لأن مثل مصابكم مامر مصاب
اني اطبر وزحف زحوف واجيك
لأن حقك هذا مارايد ثواب
انته حتى العرش يزحفلك يريد
شوية من اثار جدمك بس تراب
انت كلشي بهالوجود يواسي بيك
والي يسأل هسه انطيه الجواب
ليش يعني الشمس حمرة بكل غروب
ﮔامت بدم الطفل تبجي وتطوف
ليش يعني الماي مايكدر يكوم
صطرت العباس ترست كلبه خوف
ليش زركه صارت جتاف السماء
لئن زينب باليسر زركه الجتوف
حسين بدماك انتصر دين الرسول
بيوم نحرك بالحرب نادى السيوف
حسين دمك وﮔف الدين اعلى حيل
مثل وﮔفت زينب بأرض الطفوف
