الشاعر / كاظم الوحيد
چنت مثل النفس بيه
وحبك بدمي فصـــيلة
وچنت اگول انته حبيبي
وماكو بالدنيا مثيله
چنت ازامط بيك اگلهم
مستحيل الگه بديله
وچنت احلم بالسعادة
وفرحة أيامي الجميلة
وگلت يمكن من اموتن
النعش بيدك تشـيله
گلبك انطاك وخنتني
وعنــدي برهانه ودليله
وهسه جاي تريد حبي ..
گلبي غلطان ..اسمحيله
لا تگلي انه احبچ
وكلمة الحب مو قليـــلة
ولا تگول انتــ حبيبي
وانت لگليبي خليله
يعن كسرك ما نسيته ..
آخ لو تدري بصليله !
وروحي من يوم العفتها
ما صحت ظلت عليلة
لون أدري الوفـه وينه
من الصبح چان اعتنيله
وكون ســـيد لو امـــام
اطلب مرادي وأجيـله
قصدك وياي عرفتـه
الغاية وضحت والوسيلة
لا تصدگ انسه جرحك
طلابه ما تخلص طويلة
گلي بالماخـــوذ حگه
شـلون يتعبّه شليـــلة
شلون یتعبّه شلیلة !!
