الشاعر / احمد عميدي 

الى ثرى علي رشم الطاهر

مو رابع بعين الصدك 

انت الامام الاولي

الكاع نادت والسما

لا فتى الا علي ) ..

راد يسمعها علي وهل دز عليك

ودمك تمولح گناطر .. عبرك فوگ الامان

الناس تصعد عالمنصة .. وانت تصعد عالجنان

نحجي ونهوبز , نعنتر .. اني واني وخابصين ارواحنة اعلى المشهرة

وياترى وبس فد سؤال 

شنطت عبلة لعنترة ؟

باجر نفرفح عرايا .. وحيل تدفه عظامنه بثوب العذاب

والهلع ينزع جلدنه .. من يوسدونه بلحدنه

 نگوم نتوارد تراب

الا انتَ .. الما حجيت وجفلتنه .. 

وعطلتنه

وخجلت كل شاعر يتاني وحي

انتَ على وجناتك تنام الجنان

وهي لا مو باللحي

يابو خد الناعم اشكيلك ضمايه .. 

صورتك گدامي بس تفتر ورايه

اني عطشانك حجي والهث طفوف

بكثر ما جدمك علي ساحگ لحايه

وهاگـــــد يحبك علي

ضمك بصدره وتخايل .. ماي گصتك طفه خيمة

يمهم  تخوصرت ماي

وجنت سركال العطاشى ..من مشى العباس شافك 

گاعد تهدئ رقية

وترسم بشفتها غيمة

شگد هضيمة ؟ وجهك مدثر تراب

وعايشة الناس الغشيمة

وما يبس بيك الخضار

الشمع نلگا يندّي .. لمن تطب بيته نار

وانت ما جذبت خبر بيك المنايا

وهو عام .. هو عام

بس وحگ الحسن كل يوم انتقام

بس وحگ الزهره بعدك .. عالوجع عندي ازدحام

ويمر ذكرك .. واطفه بدموعي وانام

علي مبلل غيرة للمذهب نذر

وفاح من دمك ضمير

وصار كافور وسدر

ينگط شباب

وزنجرو من كابلوك

تعفنو فوك الصحاري .. وياكل بعوراتهم ظل الغراب