علاء سالم / ناصرية
السجه موت وعرس جسام اجدام
الحنه طف والطاح اول معزوم
بيهه المعزبة اسهام وسيوف اثكال
الظل بي نفس كبل العشه زحمة يكوم
الزاد وعرس جاسم مخربتهن نار
وصحن الملبس بيه رماد وحلقوم
بيهه انسبه كل راي للمامش راي
وبيهه انجفه كمكم ادلال المعصوم
منهه وركب راس الورد خيط اخبال
من شاف بياع الورد مامحشوم
وجه الله باكه الباك وجه العباس
للحضة هاي ومالكو لله مرسوم
جسام حجيك حار يجوي ابراهيم
خل يدعو ربه ولايضل بيك يلوم
وخل عمتك مكة اعلى جبريل تصيح
جبريل كعد اهل الكهف شبعو نوم
يغدون فدوة لكعدة العصريات
لتكعدهه زينب والكمر وام كلثوم
اطيح مكة ولايطيح العريس
بيت الله فزعة ويصعد بليلة ويوم
احجيلي بالصعدت اعلى امتونه الخيل
شتحطله ويطيب الظلع بيه مثلوم
جسام صاير سالفة بحلك اسيوف
ابخير موش بخير ابد مامعلوم
انته ابن اليضحك الورد من ايفوت
وانته ابن الاختار الهوه ولون الياس
يالوجهك او وجه الصبح متفقين
بثنينهن تمشي اعلى باب الله الناس
