محمد كريم / البصرة
نزفت دم بطنها الكاع
وغده وجه النهر اصفر
تخلخل غيم ربك والسمه ندت
حلمها ومايها استغفر
ياسم الله اعلى طول حسين
يعتك والجرح يتخالف ويكبر
جانت صحره بس الموت
جفلها وبدت تخضر
خضرت ورد جذره جفوف شياله
وياطول الرمح شمام بخياله
من عدها وعرفت الخيل
لبست ثوب نحلة وعالجسد تفتر
من عدها وعرفت حسين
بالطف عاش يتنطر
من عدها ولكيت الخيط بس ما وجدت راسه
من عدها ولكيت الحل نميم صوت بالفاسة
التهيت وفضت (وفضة)
الشفايف واليكرها اغتر
لكيت الماي البصدره
مزن هدت ربيع احمر
نخيت الريح يم نحره
الهوه شمر اذرعه وما لكه معبر
نخيت السبعة والسبعة
وبس وحده الاجت تحدر
وفض غيم الحلم راسي
ولكيت جروحي تتعثر
من عدها وعرفت الاجت بس زينب
لذلك ماشفت ظلها وسمعت اجدامها تنحب
حسين يواسي بجروحه
وتهلهل بالسمه المنبر
قبل ليلة نده مانام
يدري بعيلته تسهر
سمعت الاااخ البنحره اعلى عبدالله
و واسه الطفل بالمنحر
ولطخ شيبه للقاسم نذر عريس
حنة وشاب يمه وبالدمه معفر
رسم حلم العمر يم علي الأكبر نام
بين الوالد وابنه هوه مطبر
وهل كد مايحب عباس
و واسه اجفوفه بالخنصر
ورضيض اضلوعه للزهره
مكاتيب وضوه اطشر
عطش رمضان روحه ومات صايم دين
كل تفكيره يم حيدر
ومكاتيب الدمه اعلى الماي
رسمن للخيم معبر
قبل ينكطع راسه الخاطر ارقية
قبل من شاف بالطف نقص ترجية
صلى وهوه نايم عالتراب ابليل
خاطر زينب الصلت صلاة البر
خاطر منها يتعذر
الهوه من كد زراك متونه ظل يخدر
المطر مانزل خاف يموت
شاف بعينه ذبحة ماي
شاف الدنيا ظلامة لون
بس الحسين دور بيها خيط فياي
هودر والهوه بي نقص جف عباس
طايح بس خياله الجاي
فض غيم الحلم راسي
ولكيت الحسين عبرة و راي
كل تاريخ يتلملم على جروحه
بس الحسين يتلملم وبعده اهواي
