مصطفى القيصر/ بابل
قصة بيه تلث مقاطع جانن ايرسمن بشر
أولا دور الكفيل
هذا واحد اخته كالت انه ماروح الأرض تقتل حسين
انه ماروح الأرض ماي الله بيها يخلي اخوتي مذبحين
انه ماروح الأرض وهناك اشوفن طفل يفطم من نحر
انه ماروح الأرض وهناك اشوفن حتى أبو سنتين رأسه ابيض قهر
هيجي وصلوله خبر
راح كله وداعتج عندي بشمال
ذوله مي خوفوني مابيهم رجال
رجع لأن بنيه صاحت عمي متحاجيلي أبوي
عمي خلي اوياه اروحن واعتني بعبدالله أخوي
ثانيًا دور التراب الضم ترافت جنة الله وماقبل دم الرضيع
تربة كل الدنيه شافته حسين
وصارت الكعبة الجديدة وشبعت وشربت وجوه المؤمنين
وضمت اجفوف الامانة ولأن تراب ايصيح عفيه أم البنين
عفيه بالضحت ولدها وما بجت بس على الحسين
ورغم دوره تراب هذا وماكفه بدور التراب
راح كب روحه عجاجة اوكف ساتر عالمصاب
ثالثا مقطع جبير وخايف العباس مايرضى عليه
ردت اجيبن طاري زينب خايف يرجعله اديه
ماذكرت الصار بعده وماجبت طاري السبي
الجان يحلم لو وكع جفنه اعلى ضله هسه لا شاف العبي
