الشاعر/ علاء الصبيحاوي
بعدني انشغ على عيونك
وبعدني اشهكـَ على عيونك
يذاك انت اليغنونك
عطشتك من كبل لا اضوك
يالطعمك مثل لونك
اخذني وارضى لو وهواس ابات بديرة ظنونك
لمني وجمل البيه
واذا مابيك زفني لزلفك النعسان ترجية
وامشي وسافر بروحي
يالتدري السفر غربيل للنية
تدنه .. تدنه وجيسني بروحك
طشرني خدر بهداي اريد اغفى بدفو جروحك
ياذاك الكمر جم دوب لا تنزل ولا لوحك!
يمدري منين افك بابك!
يهلبت ينفتح بابك
ولو ادري وكلت معذور!
اعرفنك نهر مستور محد شايف ترابك
يمامش والمطر لو طاح ينشدني اعلى محرابك
يراهملي وتعرف منين تندلني
من اغني اسمك نذر لليل
بين الناس فرزني
بهواك شما شفتني شراع دللني
انا بدونك
ولا نجمة التصح وتبات بعيوني
ولا كاع اشتهتني وفرزنت لوني
اضل وحدي بطرك طيفك
اضيعك سالفة والكاك سكتة بهوسة ظنوني
واكابر مستحه من الشوكـَ
رغم ادري التعب شلال يتبده على متوني
يالكلهم يغنونك
اخذني الناس ماعرفو يغنوني
