الشاعر/ رحيم المالكي
بعدك ماجزت نفس الصفات البيك
طبعك ماتغير من صغر سنك
عاشرتك عمر من مشيك اني أقراك
واندلك مغمض ماتهت عنك
أعرف باللبن وبذن ادي مخبوط
وجف الثخنك هم يكدر يشنك
زمن بيه الذيول اجاوزت عالروس
وانت ويه الزمن اجاوبت جنك
تريد تصير بيه وحاولت مرات
تكص هاي الجفوف الكبل شالنك
لا والصورك والساندك وانطاك
ماتكدر ظنونك غلط دلنك
آني مخاوي الصدك والغيرة والاحساس
وعكس هاي الصفات البيه خاونك
تلمع مو ذهب ممكن تغش الناس
ماغشني البريق وفرزنت رنك
لان مكشوف اليه وحافظك عالغيب
وانت تموت غيظ عيوني يقرنك
واعرفك حتى من تبجي بدمع تمساح
قاري اسباب نوحك وافتهم ونك
هم يطلع فجر وتواجه آني وياك
وموش اني الجروح البيه يلكنك
