علي اكبر/ بغداد
عندما حرقو الكعبة
مطرت السماء
لأنها بيت الله
وعندما حرقو الخيام
مطرت السماء
لأنها بيت الستر
يطوف عليها العباس في كل رمشة عين ليؤدي مناسك الغيرة
خيال الحرة اذا ينشاف
بجف عباس عين الدنيا تتغمض
واذا تمشي يرد جبريل ويلملم
وراهة تراب شفة ياخذهة خاف هناك
عدهم ملك يتمرض
لو ماهي جا لساع
شغلة صولة العباس ماتنفض
وبكثر ما حير العباس
ذاك الجيش
بسؤال ابالي متحير
جبير الماي لكن ليش
يبقى بعينها زغير
هازينب يبت عباس
يخت احسين يم حيدر
شنسميج محتارين
يم الوفة
لا اكثر
زينب كبل ياهو يصوم
ياهو بعمرج وصله
عباتج سودة كلها تكول
بكثر ماطافلج عباس
اليصد عباله بيت الله
هية الحسجة مال الله
او ولا مخلوق يعرف شنهي معناها
ياهو الكال تقره كتاب
اهي اكتاب الله يقراها
ربك بيها يقصد جان
نزلت للستر آية
اذا صدت للمرايات
يجي العباس يخزر
وجه المراية
وحدة اختك يبو النوماس
لكن كلش هواية
زينب ياكلب عباس
ياهو الكال عافاها
زينب حتى من تنام
هم بالطيف يجي العباس وياها
وكبل من طبت اعلى الشام
طبت والزلم تندس
وماطولت اخت حسين
كلمة وطايح المجلس
ثكيلة انتي وحك عباس
واهلج اصل مال ثكال
الدليل وياج من تحجين
كلماتج ظهر ديوان
تطلع بيها الف عكال
ماات السوط يازينب
وخلك متنج صبح مهيوب
صبرتي بطيحة العباس
بيج هواي من ايوب
