المصطفى محمد/ ناصرية
برز وحسين واكف جان بعيونه
وكالو ياهو كلهم انا مجنونه
وفز كل البياض بوكت شك الثوب
وباك الضوه كله بسمرته ولونه
عابس بالعكس كل عمره يضحك جان
بس من خوفهم عابس يشوفونه
وكلهم من تموت بمبدأ انت تعيش
وباجر عني كلها تكول خيعونه
شحلاته الحافر اليسحكني لجل حسين
النسمة تعيش لمن تلكه رازونه
ولكيت حسين جن شباج لزينات
البيهم هده بس هم اليعرفونه
الباء البسمي اذا اقدمهه اجيب الماي
الكمر ينشاف لكن ما تلوحونه
واجيبه الماي اطرحه ويم عيال حسين
وعزيزة ارواحهم هم ما يشربونه
المهم هذا انا وانتم جن سفيف الدود
وواحدكم الخوف التارس عيونه
الدره جنة ابراه مايلتفت للموت
الفكر يكتل ذنبكم ماتكتلونه
وتولاهم بجفه وبيده سبحة الجيش
وربعه من السمه ظلوا يصيحونه
وضحك مثل الشهاب وطاح فوك الكاع
وماتوا هم ماكدروا يموتونه
