محمد حاكم/ كربلاء المقدسة
كلت اهاجر
كلت اعوف الوطن وحده
واخذ همومي واسافر
كلت اعوف انه العراق ينذبح من المناحر
كلت اعوف اهنانه ابوي
وامي مكسورة خواطر وانه اعيش بطيب خاطر
اليهود انطو لجوء
شعندي باقي المن ابقه شعندي باقي خل احلن وثاقي شعندي باقي بالعراق خل اروح لبلد مابي كل نفاق وبلد بي سحر الطبيعة خل اروح اهناك امتعهه النواظر
خل اصيرن انه مشروع الخططهم
وعود ارجع لاهلي باجر
خلي من يصفه الوطن من الحروب
ارجع وجايب دفاتر
كلت اهاجر ومايهمني لو يزيد
يعتني حسين ويذبحه بيوم عاشر
ومايهمني حسين لوماعنده ناصر
ولايهمني لويضل عباس مكطوع الجفوف
المهم انه اسافر
كلت اهاجر
ومايهمني الوطن لوظل وحده صابر المهم انه اعيش وحدي اعيش خلي اطفر خل اطير
طير لاجن ماكو ريش
وخلي اخوتي تنام بتراب المكابر
كلت اهاجر
بس صحت بيه المشاعر وجن حجه وياي الضمير ياغشيم يافقير لحضة فكر يارفاهة ياسعادة ودلال ياامان انته رايد تمشي الهن ذوله تجار الحروب ذوله ماينطون شيء الا بمقابل انته ملاج وتصير اهناك عدهم خلك عامل ذوله دمك يمصونه ذوله نفطك يسحبونه شويه اهدأ صير عاقل === احسابهم ماينحزر ذوله يهود ==ذوله ماينطون شيء لعيون سود ==ذوله شراية ضماير =انته لوعفت الوطن من يشتريك طول عمرك تبقه خاسر == وين جا يا ليتنا كنا معاك هذا الحسين الوطن ظل وحده حاير
