رضا العبادي/ ميسان
طب للعلگمي الهيبة ترس ماي
ومن صدله ابو فاضل مونهر طر
عاينله بتمعن بي گدر ريج
صاح اتكاثر انهض سكنة تنطر
ظَل يتراجف غماگه ويلگياش
گله اصبرلي بلكي ادنيه تمطر
فدوه اشرب العندي مايكفيك
ردله بغيض گله تريدني افطر
زينب عطشت اتحولنه رمضان
بكيف اختي العقيلة انبدل الاشهر
ومنو حضرة جنابك واحجي وياك
وتجيب گبال مايك طاري خدر
أهي لوما سكينة رادتك ثق
ما أوصلك امن اصير كوثر
گلي انته نهر رداله لا بير
اي بير وعلي ومتكفي الشر
وَذَا بير انته هم انطلبك ابثار
انته الغدر يوسف لا ولكبر
عمي انه نهر واستسمحك جاي
اعذرني ابو فاضل والله مضطر
عليك بخدر زينب هدني مظلوم
زينب سر احذرك تحلف بسر
انه اختي دعاء من الله للبيت
مو ياهو اليجي بحروفه يقر
ملك الموت اذا طبالهه الموت
موهوه يجيهه يودي حيدر
وذا دخلت گبرهه الحرة بسكوت
تجي منكره تحاسب زحمة منكر
ماطول عليك اركب على الجود
لتلاسني ماثنيلك اصطر
اذا شافتك زينب دنگ وفوت
ومن تشرب وتشبع عود وخر
