وليد الموزاني / ميسان
عباس ياويله النهر من تختاض
تروي النخاك ونهرك انته تعصره
تنخاك اخيتك تستحي اتكلك ماي
شافت طلبهه ازغير موش ابكدره
امعزب ابروحك من اجتك لسهام
عمرك فده ولدين سلم عمره
ياغيرة ولكافل تلوك انته اعليك
سيفك ربه اعلى الروس مثل الشعرة
مجتف الماي ومنه تاخذ بس روج
ويل العده لومنه تنكص كطرة
تحرك خيم من كال واني الموجود
جيش اليجبله ابخزرة كله ايصطره
اقسم قسم بديت وبراعي الكون
تبقين لامحد يمسج حرة
مخلي الجثث عباس كلهن تكدار
ابنك يحيدر كلي ياهو ايكدره
بيك الوراثة اشويه من داحي الباب
اتيسر العالم كون ماخذ كثره
الراية ماطحت بدي راعي الجود
اجيش كله اليوم يخلص عمره
ايخف انه جدمي من اسمع ابطك
اسيوف بالحومة اخلي اليمنه تسبك يسره
ايدور الهوه ليسمع ابطاري العباس
الكافل يزينب هوه دكلج صدره
