انمار قاسم المطيري/ بغداد
البال شايب
واليتجي الخطوته ذكره قديمة…بس جديدة
بيها خامس نفس للله…ينكطع بالطف وريده
وسوط يضرب متن اية
وخيمة حبلة ..طلكت وجابت سبايه
وعاجل..اخبار المنية
البارحة الغث الزجية
هم رجع هجر رقية
ومتن يتنسه جنازة…ساكت ونيته تسولف
اكو نشيعة وماكو شيعة
والرسايل مو كلتلك
ضحكة بطرانة اتمشه اعلى الشريعة
وسورة الرحمن شايل بيده سورة..مكمظة الحيل بعطشهه
مدري غافر
مدري فاطر!!!
وبين ماضي وعتب فلاح اعلى منجل
اكو عاشر بس اسم…بس مايعاشر
واكو عاشر ماردت…بس ماي عاشر
والغروب الصافن بروحي يسولف
المشكلة لايذي زينب..يحط راسه براس رب العالمين
سوالف الزهره همسها..ودللول ام البنين
وعلى طاري ام البنين
الي يمج
سالفة
وطلبة
ونشد
عود ادعي للعراق وعود عينج عالحشد
