محمد السلطاني / الناصرية
طف قرآن
يسولفنه بعطش مظموم
ولكن ماي ماشفنه بس فضنه اعلى جف الكاع حنة دم
وانته بلايه جف ورافع الراية
ولكيت الطف تراب احمر
ولكيت النهر باهت لون يالبكصتك نهر خضر
يكلك ماي تتمناك كل روجة
يا أول كمر عز الظهر صله
وصار حسين جف اسمر مشه فيّ عله كلمن راد وجه الله
ومن شاف السمه بهتت
ود الهه ملح من روح عبد الله
ياطولك رمح
طولك اولايتنه
طولك يستر اولايات رمحك ماستر خيمة
حسين تريدك الفقره
وحاجو كل رمح بيه راس خيعونك شلت حضرة
حسين كلادتك خيمة شالو راسك تبدت على الهيمة
ظعنك تايه بلا راي
يحسين السوالف بيك يرادلهه ماي هواي
حركو خيمتك وانته البروحك غار
ترفة سوالف الله شجابهه اعلى النار
شجاب الليل يم نيتي
وليش مغيم الدخان يم بيتي
غير حسين والعباس محد داخل بريتي
يتلاكه البجي وي الليل لمن تسكت الكمره
لمن يصفن المحتار مرات الضوه يعثره
بلايه حسين ماينده بروحي الحيل
وبلا عباس اثاري النجمة شيبة ليل
وثاري الدنيه كلهه غروب
مادري استحت منه
مدري الدنيه شربت دم
