مصطفى العويدي/ بابل
لمن جسام حس بعمه غص بدموع
قره السبع المثاني و كله اريد انزل
نعم عمري زغير و موش مال سيوف
بس الحركة توجع و العطش يكتل
ما سوتلي حنة تكول ما مش ماي
ترضه بشفة امي امعلك تهلهل؟
يضربني الهوه و تشتم عرس محروك
مثل حركة ضمير الخان حب الخل
بشريفة اختي احلفك زتني بالله وياك
ابعبد الله احلفك بالورد بالكل
تره اليعرف علي مايرضه دودة تجوع
شلون تريد ارضه الجوع بينه يحل
هنياله السمج دمعاته ما تنشاف
ما يحسب شماته تشوف دمعه يهل
مو وجه الحرم بالخيم ما ظل لون
هلي ظاكو عطش ما ظاكه حته السل
طفل عمره مهد واحضان مال كماط بزردومه العطش فهمني ليش يجل
انه ابن الما مفرغ اي حضن ماعون
ابوي من الزغر علمني اذل الذل
زغير و خوش اهد و الحيل ما ينشاف
جرب فشله اردن و المهر يصهل
