علي الخيكاني/ البصرة
كلبي ودعني مشه بدرب الحسين
بيه يعلم راح اظل ويه الحشد
بيه يعلم عالسواتر موتي غاد
وناوي كون بعلم للبيت من ارد
لجن كلبي مايفوت لاربعين
واله يمشي بدرب لحسين ويصد
ياحسين اتعذرك مابيه اجيك
وانه حيل اتعذرك يالماترد
انت تعرف بيه عالساتر بقيت
والدمع بعيوني من ينزل يحد
انظر المشاية واتأذه انه حيل
مثل كلب طويرة وكت الينمرد
كون امرك والنصر حالفني بي
انه وكت النصر اصبح مستعد
باجر انجيب الرمادي لكربلاء
معطر ومشيوله بجفوف الولد
هم نجيب الموصل وتكريت اكيد
لخارطة لحسين وكت البي نعد
وهسه يامولاي محتاج الدعاء
من حضرتك يابو باب المايسد
خواني وسط المعركة تسلم عليك
نزلو تفكاتهم شالو ورد
خاف يجرح خاطرك طاري القتال
وتذكر جروح الغميجة الماتشد
ياحسين كلوبنه تعنت عليك
وبمسيرة وحاملات اسم الحشد
