ضرغام الكريطي/ كربلاء
اكره الماي ابصفاته وكل سواليفه القديمة……
الخله عبدلله ابضماه ايام يفحط….. بالجذب ماضمله غيمة……
ولا كرب يم العطاشه…
الماي كافر….
لا حشاااه الكافر اهووون…
الشاف طولج يحترك زينب شجاااه…
الياسبب جا باقي ساكت…
لو شريف الماي يخجل للعباااه جا دزله روجة….
وللخيم جا وده موجة….
بلون بارد….
حتى يهفت جمر امية…
ونفتهم منه شيريد…..
بلكي جاي مسير…وموقصده اذية…
ويدري بينه احنه تربات الرسول…
انعزب الضيف ابلحمنه ومانحسب بي اذية….
وبلكي جانت موش قصده وبالغلط حارك رقية….
ومن جواها…بصوت صاحت…
بويه الحك بويه الحك…
موش خوف…..
حكها حكها النار وصلت للعباية….
وكامت اتتشاكف بديها…. وهي طفلة…. ولون دمعتها يتلاله يحرك النار بمكانه….
هناك صدفة…..
وجن اشم بثياب واحد صوت عبد لله الرضيع….
وبيده سوط ويضرب الشفة بجساره ومايخاف….
ومايخاف من الله كلش طشر حروف الكتاب……….
