حسن الاسدي/ بغداد
حسين ثورة …. وثروة فاهمهه السياسي
حسين اية …. وراية حطتهه الكراسي
وجم سياسي الكظه عمره يأدي عمره
حسين اعظم من مفاهيم الشعائر
حسين بس وكت اللطم تذكره ناسي
حسين اب لكل رضيع انسلب شهكه بحضن مفهوم السواحل
حسين عم لكل شريف الترك عرسه وقرر لدينه يقاتل
حسين اخ لكل شهيد الفقد روحه بسبب تسبيلة صلاته
حسين قدوة لكل عذاري انعدم وكفه وحفظ عذرية خواته
حسين ثورة .. وثورة للاصلاح تدعو !
الثورة مو نبجي بمماته
الثورة من تطيح حرمه انكلب عباس وصفاته
الثورة من جيراني الاعمى يشم قميصي انكلب يوسف لجن مادور حلاته
الثورة مو غاية وسيلة..توصل اهداف الرسالة الظلت بايد الكرايب
الثورة من تروح تمشي طبق اداب الزيارة الثورة مو تحسب مواكب
والتقاليد القديمة الربطت حسين وعظمته بعمق جرح الهامة من يكرب محرم
وقسم اقسم بين حضرة ابو فاضل والحسين فلوس لو عد امي صارت تغني ثلثين اليتامه
وفد فقير مسوي موكب ياخذ اعظم اجر ممكن..وزع بشفته ابتسامة
