فتيبة المرشدي / بابل
كون الحـجاية البيها شحة ملح
اكسر رجلها ولا تشوف المـلا
ومـوش اعتبـاطا طـبر يگصد شـجر
يلملم هـدم لـو ظـكه عـوز لـهلهه
مـرات اخـوك يـتيهك بـنص درب
ومـرات غـربة وبالهـلا مـبلله
فـد يـوم گـلت اگـصد ضـريح الشـرف
بـكليبي غـاية وعـندي الـف مشـكلة
گـلت امـشي للـمذبـوح نـحره لـچن
ينـظف ضٓـميري وعندي هـيج اسـئلة
اسمع دزوروني بخلك مندمج
عايش اللحظة بمـشي القـافلة
ولابس براءة طـفل وجه الصبح
كـل خطوة الامشيها الفظ البسملة
لاگاني صـاحب صـاح بيه بحقد
گـلي انت سنــي شــجابك لـكربله
چـا خـويه شنهي البدر مني شـكلت
سالفتك انته من الحـية مـوشله
وشمـالك وطـكيت چيـلة بـعدو
شـنهي الملامح بيها اثــر حرملة
اني الاعـرفه وادري وبلايا شـك
حجـاية اخـوي الشيعي تنـكط هلا
ثـق واني وامشي كلي انزف حـيه
وثق نية بيـضة متاعي محـمله
مـاجيت الـه مـطبر وحـگ الدرب
مـطبر اخلاقي وعـازل المـو اله
ولا بـالسـواد اتلـولح لجـيته
عـامي النـظر ومـلبسه حـزن ارمـلة
اتنـفس العـبـاس مـن اختنـك
عذيـبي ابو فاضل واليشمه عله
الـدنك يبـوس الـگاع غـاد ارتفـع
شـانه وغدتله هـناك فـد منزلـة
الفـرط بـحب حسيـن نـاقـص عـقل
مـو ثـوبنا وثـق مـانمتله بـصلة
