ليث حمزة / بغداد
علي ابجفه انه اعتقد موجود جيش
ياهو مثله بوكته ما خاسر حرب
وبالترافة شكد حنين اويه الفقير
شايل بصدره بلابل مو كلب
كباله حتى الجنة توكفله قيام
كلهه توكفله احتراما من يطب
سيفه من الله فلا يحتاج شيل
لو يهده بوحده يندل الدرب
عينه نجمة وبالظهر تنشاف زين
عاليتامة الدمعة مرجوحة تصب
علي فياي الله تره بصيغة امام
حجيه مايخدش اذن كلش عذب
الجبل تربة وعلي تربة ولو نقيس
الجبل يم حيدر خجول ومو صلب
علي امراية وصدت الجنة علي
ابشكله يلكه الجنة يمه اليقترب
بير زمزم مايه احنه نعرفه زين
وجه حيدر مايه يمكن ينشرب
الشمس كشختهه بـ علي مو بالنهار
ابصيت حيدر كشخت وردت تره
هيه تحمد الله جي ليهسه فوك
جان ضاعت هيه لو ما حيدره
حتى نسمات الهوه مكيفات بي
كبل مايتنفس يلزمن سره
الدين كسرو ظهره جم واحد جبان
ويم محمد كام حتى يجبره
هذا تاريخ الي جا تحجون بي
غير ابو الحسنين هوه الكبره
الليل يبجي عمره ما شايف نهار
وعلي بأيده يطبله جتفه يصبره
علي اربات الله تره بوكت التراب
وشوفه الجنة كبل ميعبره
ذني كلهن بي وبيه تلوم ليش
راسي المن عود اذا ماطبره
النجف جانت كبرة بس وجم شهد
وكثر ما محبوب صارت مكبرة
