اكرم المحمداوي …..بصرة
بعدما تجولت في الطف بمخيلتي البسيطة وقفت باربع محطات الا وهي العباس والسيدة زينب وسكينه بنت الحسين والعطش…
الجربة نثيه تلوك للماعده ادين
وموش كلمن شالها اتسمه فحل
عباس اترايف من استرسل واجيك
اثكيل وصفك يمك تضكني الجمل
احتقر كل ماي ابد ما اسمه ماي
الما وكف تعداد من الكافل وصل
بعيني شفت اركاض يم بيت القصيد
ايتام ماتت والله ذبلها الخجل
وكمت اشوف طيور بس تنكل دعاء
من اجفوف زينب لـ لله متروسه امل
وهيج جن طفلة سمعت صوب الخيام
عمه زينب ظلمة بس شمس الله نار
وشو شفتهم كثره بس كثره حريم
ومن حجه ويه اركابهم كالوله صار
عمه احجي ويه الكمر كليله ها
الماي خل يروح رد كافي انتضار
والنهر مبري العطش يكفي الدعاء
شمالها اجروفه بخلت تطلبنه ثار
بيه حوبه من ابجي دمعي اسمع صداه
ومن يطك الكاع دمعي اتطك خظار
وصح كصير اذراعي لجنها تلوح
من امد ذرعاني ادخلهم حصار
من كثر لسهام شفت الدنيه ليل
وما عرفت من العطش لون النهار
