مرتضى الشيخ / كربلاء المقدسة
على الاحوط وجوباً نترك التسقيط
وكل بيت بقصيدة نحسبه آية
ونفسر معاني حروف هالابيات
ونخلي احتمال لكل رواية
الشاعر صح بشر … بس الله تعرف ليش ؟
نزل سورة باسمه من البداية
لان يعرف محمد سيد الأشعار
والكرار تلميذ الرباية
نرجع للوسط … رباط هالموضوع …
صارت مهزلة وصارت سفالة
ليش اليستحي ( تخلونه داخل قوس )
وليش (اليكفر) تسوو مقالة
عفتو اليركص … وعفتو المدح صدام
وعفتو الگاتب اعلى (البرتقالة)
هذاك العذبت حاله ويعذب الناس
ليش اعلى الفقير انصير فالة
و
للـ نقاّد حصراً … ليس للأذواق
( الينقد كون ما فاكد الشخصية )
ومن يصعد منصة الشاعر وينهاب
كون من الخشب ينتزع حنيه
ويوظف مشاعر روحه … (موش فلان)
ويقرالي القصيدة البيهه روحية
ويكرر … يعيد ابيات بيهه يعيش
ويعيشني القوافي البيهه ترجية
