احمد صبحي/ سماوه
يابريد الرب كلتلي
الشاعر اقدس من توابيت الظمير
الماتصوغ حسين للفقره امنيات
الماتشوف حسين بالعاشر حياة
وكل نبي كالوله شاعر
ومنك اندليت وحيي وما بعت روحي ليزيد وﻻ كتبتك وانه عاهر
لسه بيك العطش دافي
ولسه دمك بينه غافي
يمتى بيه تشوف مايك واغسل اذنوب الحوافر
ياقصيدة تجيس روحك والشعر بس للجدايل
يامنارة تصح ضمير وما تعثرنه الرسايل
يانجم رسموك ليل وانت للمنجل سنابل
حتى بالدمعة غريب
و البجوك ذنوبهم دمعة اشتهن
شلون احدك بالطفوف وعمر يومك عمر الله بلا زمن
يالقضيتك اكبر من الدنيا كلهه
اكبر من احلام سكنه وزينب وينشاف ظلهه
ليش اشوفك شهر والباقي انتظار
يمتى اشوفن جون بالدنيا انتصار
يمتى اشوف اليحجي باسمك يبني للعاهر مزار
الف واربعمية عام ولسه بيه العطش موعد
وانت ذاك انت وحيد وغربتك الله وي مسجد
وي كل دمعة خبز صوط وبواجي وطيحت جفوف
وي كل زلة يتم شوغة تراجي وظمه طيوف
وي كل ظالم وخوف السبي يحله
وي كل نومة ضمير الرمح يعله
وانه باقي دموع بعيون الغريب
مو كلتلي الكضه عمره يونس اوراق الخريف يخظره صوت العندليب
ومن يغني الموت للوادم حياة يفز صليب
ياحبيبي
جنت ارسمك بالرماح ومالكيت بروحي لهفه
ورحت لميت العشوش البيهه شفتك صرت ارسمك وطن زفة
الناس حسبتني اعلى ديني البي لكيتك مالكيت لوجهي عرفه
وحكهم يشوفوني غربة جروحك اعلى اغنيتي تغفه
ياحبيبي
ذنونبي التدليني بيك وادري دربك درب عفة
ياظلم يجمعنه ثورة وانت صوت وانه شفة
ﻻ تبديت اعلى كاعي وﻻ نجم يشرب الليل
وﻻ عطر فز اعلى نوحي وﻻ مطر ينده الحيل
وﻻ دريت البي اثر دمك يصير الفجر همه
وﻻدريت العصه مرسال الربيع بجف اﻻعمه
وﻻدريت اليلتم بروحه العطش ينزار كلبه
وﻻ دريت الدمعة كنطرة الغريب لعين ربه
وﻻ دريت العثرة صرخة نجم يعرف تالي دربه
يالكيتك من عرفت الدين اماني
ليش من دون السهر شفتك محطة
لكل شمع حنة وصواني
وانت ذاك وي المطر تنزل اغاني
شما يصورونك سليب يفز حمامك بيه ثورة
خل يكثرون السواد الما يعرفك باقي ليلك ضحك جمرة
