علي شريف الصالحي/ بغداد
نحزن اذا شاهدنه للطف تشبيه
الجانت اهناك الله اليساعدهه
الشاهدت روس اخوتهه رفعتهه ارماح
و الصبر جان سلاحهه الميهدهه
الما حصلت من الخيم فيّ كدما
حصلت دخان ولهب من عدهه
هيه اللي ظل وياهه الاسلام ايدور
وصارت شمس ينجمد بس يفقدهه
بدورتهه عالاجساد حار الناعور
وجلمات جانت تمشي وترددهه
جابر اذن مو الاول ايزور احسين
المفروض اول شخص هيه انعدهه
الظلت وحيدة وحايرة ابخدر حسين
واعداهه من اربع جهات اتحدهه
اعداهه هجمت بله نعرف كفار الخيل
من هجمت عليهة شعدهه؟
اي لو علي الكرار بالطف موجود
الشمس ردهــه اعدا اتهــد ميـردهه
تنسبي شلون العاشت بعــز كـرار
والناس جانت كبل بس تحســـدهـه
ويا وسفة مرعوبة تطب لارض الشام
وهيه الامان ايلـوذ جــان ابســدهه
المارضت ادوار اخوتــهه تموت
وبالشـام صارت هيه الجسـدهـه
الهالسبب ابخطبتهه غيـرة عباس
وحنكة قيـادة حسيـن جان ايمدهه
وهزت عرش كل طـاغي من خطبت
غاد بكلماتهه الجان اللـه اليسـددهه
ولولاهــا چـا الاســلام ما ظل لليـوم
وجان المبادئ الطغــا تمـردهــه
