بكر جبرين / النجف الاشرف
حسين طايح والخيم تصرخ كوم
كالتله وضع الحال يم زينب نار
يحسين زينب فرفحت من الشوف
شافت رمح لابس شمس دم ينهار
يحسين كل عطشان جمعلك ماي
من عينه بس اجم شمر يمهم دار
يحسين كوم وشوف مشهد وياي
بي زينب وسكنة وجهالك الكبار
صار السبي وتعاكسن طف وسير
ماشين بس اوجوه للطف تندار
وطال الدرب كد الوفة العد عباس
وسوط انكطع ونهار يخنك بنهار
الوردة لو ضربوها شمس الله اطيح
جا انتم اهل البيت بالضربة اصار
والغيم طاح أمية فوك اليمشون
شاف المصيبة وطاح يم الاطهار
واذكرو من جانو ابصف احسين
وكفت كمهرهم جانت امكحله الدار
وذكرو عبد الله من شاله حسين
وطب السهم بعقولهم ظل تذكار
وذكرو عريس زفنه سيوف
لا هوه سيفه العرس اعلى الكفار
ودموع نزلت فطرت عيون الكاع
وجانت سراب وصار بالتربة اعصار
واسرار صارت رايدلهه اجم ابير
يحجيلي عنها واكتشف هالاسرار
وبعد السبي الاحرار ملجومة كلوب
لجمة ضلع من ينكسر بالبسمار
واللجمة طابت من كطع روس هواي
واجم ألف مختار طلعو للثار
