زين العبودي /  البصرة

ردت أكتب (قصيدة) اتلوك للعباس

وكلت أنزع اجفوفي الخاطرك واقره 

كلما ابني بيت ايطيح جنه ايريد

ويثبت لو صحت يا زينب الحرة

تره العباس هوه الكطع الجفين 

ياهو الشفته لاح اليمنه واليسره

لو من وره النخلة اتكطعن لجفوف

جا ما خظرت لا بزرت تمرة

ما كالو شمرته شمرة الكرار

كالو حيدرا ولا مو فقط شمرة 

من الأمر ((خل يوكف العباس))

الله الأمر يوكف ما كسر بأمره

لو ما شاء ربك جا صفت لطفوف

كلها أنهار من دم الخصم حمره

مو بس هو يقتل لو يطب عالجيش

لا . والراية هم . والجربة . والمهرة 

أهو يستحي امن الله وسكت ذاك اليوم

عباس المضهضب ياهو ؟؟ ليكدره

شافه العلكمي وظل يرجف امن الخوف

جفه الماي كله . . و ما بقت كطرة