الشاعر / ضرغام العراقي

 تعالو نحب بعضنه وننسه مافات

 تعب حال الوطن من الخلافـــات

 حتى اطفالنه تعيش  

ماتسأل بعد لــيش

 شرط گول وفعل مو بس شعـارات..

 تعالو نحب بعضنه انعيش خوان 

عامل ويه كاسب ويه فنـــــــان

 ونعمر الارض ونبني الانســان

 وللعالم نظل مهد الحضـــــارات

 تعالو نحب بعضنه الايد بالايــــد 

نحطهه ياشعب ونگول شنريــــد

 ونعوف الامس خل نبدي اجديد

 من اجل الوطن ما عدنه غايــــات..

 تعالو نحب بعضنه ونزرع افراح 

ونمسح كل دمع فوك الوجن طاح 

ونصرخ يا حزن وكتك بعد راح 

وماترجع قسم لاوالله هيهـــات ..

تعالو نحب بعضنه ونرفع الراس

 لأن بينه محنة وطيبة واحساس

 والهذا الوطن انكون حــراس

 وبحضن الأمان ابيوتنة اتبــات..

 تعالو نحب بعضنه وتحله البلاد 

اذا ابونه العراق وأمنه بغداد 

والچا واللعد والكاكا لك داد 

تجمعنه بوطن بي احلى لهجات