احمد الكناني/ ناصرية
وملامح چم طفل عطشان مو للماي للعباس
وملامح آخ ومتيهين نيتهم انموت انعيش
كلشي الخاطر الله يهون يا عمنه
كلشي يهون بس كون الاسلام يعيش
فدوه ارواحنه ودمنه
هوه وعباس وعيوني
وملامح چم ضوه وطفوف والنية سبي زينب
اهواي النوگ والخيمة شحيحة ناس صفنت عالشتم والسب
اهواي ايام والجربة بظهرها اسهام
تريد تموت وسط خيام تنخه الله
اهواي ارماح فوگ حسين الهوه اعلى خيالهن صلى
اهواي حسين وشويه الشرف بالناس يوم اختنگ عبدالله
اهواي علوگ بالخيمة لعلـي السجاد ينطي مراد وعطر الهيل والگهوه ومضيف اجواد
هوه وعباس وعيوني
وملامح نهر بس ميت
الماي ومات من خوفه الشريعة مزاعله جروفه
وشويه ابتعد لهناك بعد طفلين تلگه الجربة مزروفة
هوه وعباس وعيوني
وملامح عابس المجنون بحب حسين للجنة واستشهد بطل مهيوب دم عالوجه مو حنة
هوه وعباس وعيوني
وملامح دين عنوانه كتاب الله
ومنزل شرط يم ناس مخلوقين مو من طين من نور الله وانخلقو
هوه وعباس وعيوني
ومعاني الگمر ومضوي عالگمره
هو انت صدگ عباس
صدگ عباس يابو حچاية السمره
