حسين ابو صقر / النجف الاشرف
ملكاك سمجة وضحكت اعلى الصياد
اكلت طعم سنارته وظل ناطوررر
ومكفاك خبزة تبوس ايد الخباز
تتوسله يطلعهه من التنورررر
وياي عايش ميت بلايه احساس
مثل المكابر بيك بس ريح بخور
مثل الصنم لتصير..وانه ابراهيم
من صفنتك معروف تلتف وتدور
شجرة انه واتغزل بنسمات الريح
من توكع اخدودي يلمهه العصفور
كد ماترف بيه الفراشات اتحير
رسمت اعلى الوجنات ناي وناعور
من انجرح ميطيح دم يوكع هيل
ومن عطر جرحي الناس تشتم عطور
واثق بروحي وماوكعت بغلطات
وسط السجن بس انه اقود المأمور
رباني ابوي اعلى الفشك بس والله
30 وردة جنت احط بالشاجور
ما ارمي طلقة وبيهه تختاض الناس
ارميلي ورده وبيهه اصلح المكسوور
مابيه غلطة وانه لامو معصوم
بس انه واحد كسر قاعدة النور
ظلمه الليالي وانه وجيت شموع
يم الفقير العاش جايع مجبوور
الجوع اكل بطنه وعبر ذاك الصوب
وانتو بهذاك الصوب بانين قصور
بالكاع عيني وماتعاين عالناس
طبعي عراقي هواي احب المستور
