يصفن عليه الوكت

يصفن عليه الوكت

 لمن تحن صفنتي 

وغطيت وجه العذر

 بس بينت عبرتي

 وسنين جنت انتظر

 حد ماخذاني العمر

 محتاجة واهس طفل

 حتى ارجع لفطرتي 

ماكابر الا بسبب ..

بشفافي شلت العتب 

من احجي صوت الجرح…

ايبين ابنبرتي 

مر بيه مثل النده. .

بورداتي مامش عطر.

 وخدودي صارن صفر. .

من فاركت وجنتي. 

ظل وجهي ماينحزر. .

عشت بملامح كبر. 

أضحك ابوجه الحزن. .

ماترتسم ضحكتني. 

يعجبني طبع الجرح .

من اذر فوكه الملح. 

مايشتكي من الألم. 

ولهذا اكظ القلم. .

اكتب سبب لوعتي 

أكتب شطر وانتظر. .

ومرات اطول شهر. 

ويحتار بيه الوصف. 

من أوصف بقصتي 

مشتاكة أشوف الشمس..

مليت من ظلمتي. .