علي البدري/ ناصرية
استاهل اتندم ثقة طيت هواي
وماظل مكان بجفي مابي عضة…
يركضن جدامي وكلبي لاتخطف دوم
اكدر عله جدامي الكلب شيكضه…
بس منك ارضه ومنك انه الزعلان
النده يمشي عله الورد من يرضه….
ابريتي مرات النفس يوكف ليش
جه انته مابي مادخله ترفضه..
خليتني كبال الشماتة اسوه تراب
وثنين خليتك ذهب لوفضة…
التفتر براسي الناس احيرن شتكول
حيرت اخو ومن عنده نهبو عرضه….
وحكك تمون وسهمك من اهل البيت
بس احسن من الكبله طوله وعرضه…
حجيك حوافر خيل وبكلبي دوس
اليسألني اكله يمون ماخذ رخصة….
وانه ادري حجيك ماصخ يهد الحيل
ومن الملوحه منحجي تبجي الكصة…
سميني عاكول ورضيت بعاكول
وماصير شجرة الفلح تاخذ حصة…
وحظرت جناب الورد لاتحجي وياي
ياهو اليجي يشمك السانك كصه….
اي ونته توك معتذر ترجع ليش
النفس الغلط وتعيد نفس القصة…
كدما معدل التفت من ينصاح
عالحايط وما اطي لزل فرصة…
الصوج مو بادم ولاصوج الطين
الطين واحد والبشر بي نقصه…
لهنا حبيبي ونتهت والله وياك
بس ردلي كلبي الباقي يمك نصه…
