جواد اللامي/ بصرة

نزيز افكاري . فزز نوم سابع جار ..

و امناشغ سوالف گعد الميتين ..

وبالي ايدث حچي بجفاك يعمي اعيون ..

وحتى افكاري طلعت صافنه بتك عين ..

تكسر گلبي حبست ظهر المرايات ..

الوجه متروس ملگه الظهر صوب الطين ..

ربه بيه الجرح من عمره ثقب ابخور ..

و يناطرله اخو بعده ابطن سجين ..

الگاطع وصل والگاطع مهر يا ناس ..

لفظهم نفسه بس بيناتهم قرنين ..

اليگطع وردة حتى يشمهه مامعذور ..

الگطعهه . الگطع رگبه ذول نفس الدين ..

الفاگد ام يفز من نومه جن مرعوب ..

اذا يسمع امشاور جنة او رجلين ..

و الفاگد ولف يسطر بخلگه الليل ..

اذا يذكر اسوالف فاتت من اسنين ..   

ابيعن واهس الضحكة ابنفس دخان ..

و ارد امعوز و اشري الخلگ بالدين ..