الشاعر / غني محسن 

ماظل بالصدر شباچ مفتوح 

ونزل ويه الدمع دخان الجروح

كل ونة اتحزم من يجي الليل

وخلصها مسية والده اتنوح

تدﮔـ فوﮔـﭻ الغربة وما تموتين 

الله شـﮕواتـﭻ صرتي ياروح

مستورة اشوف اجروحها الناس

تسد بيبانها وبس جرحي مفضوح

علي ﭽف الزمن مثل الجبل صار

لا ظل حيل الي ولاﭽف التلوح

يافجران دم انذر اذا جيت

وانه بمنجل اعمه اعليك مذبوح

وسط الناس اشب من يمر طرواك

ومدري بيا زوية المستحه ايروح

عشت وياك ريل يمرجح الدمعة..

وودعتك وداع آخر ضوه بشمعة

گلبتك شفت عمري يتوسل بيك

ونته ولاتنيت ولا إلك رجعة

الهجر داس اعلى روحي ..

 ووين أودي الروح

أنه اگبال المنية وظاگت الوسع

إذا كبرت عبرتي وداست بروحي جسر من الصبر أنصب عله جروحي

نمت نوم البچاله بهيمة سبع أيام جاي اليوم تنده دمعتي ونوحــــــي