علي العبودي/ ميسان
وين الكاك ويمته الكاك
الك بيه عتب خرسان يگضي مزاح ..
ويالمسير علي وهواس اريد ارتاح
انه الحدمن تظل بيه عناكيد العنب تلاح
الك بيه ترف رايات
چا يمته تهب جيتك
وچم روجه هوه المرت .ولامرة خيالك لاح
واسولف قصتي الياناس
وهيه تلگت العاگول ملگه الياس
روازين انتظارك بيه حيل ازغار
ماتحمل شمس جيتك
مربيه بلم تلگاني چرچف ماي
وطرگ الك روجات وتكسر وجه بلور
انه اخلافك سلف مهجور وصفنات الصرايف مستحه حديثات
مامش حيل اگومن ونچبح ناعور ..
شمعة موزرة متانيك تلطم نار
تعال انمر على البستان علينه وروده زعلانة
ونطش اسوالف العشاگ عالقداح
اكو اچم وردة ذبلانة
تعال الليل هاجس والدرب نعسان
واجي بيا خطوة خدرانة
نيتي وياك نية دروب
ليش تحط حجر عثرة
والك بيه ظفاير شوگ مافليت
خاف تفرع العشرة
