حسام السبعاوي/ ناصرية
بروحي كبرت عازتك يالكلشي بيك
وانت جنك للعشـــــگ مالك خلگ
والله لو مشتاگلي وتندل هـواي
مارحت للغـــــربة دومك مختنگ
الماله واهس بالحضن يكتل شتاه
متاني حضنك عافية وبجروحي اشگ
گالو العافك حــظه بواحـــد جديد
وگلت باجر لو مشه يعثره العشگ
وگلبي لاعب هالمسه وجنك نويت
وخاف لا يطلع حجي الوادم صدگ
اليشتهي ابنادم يظل گلبه على نار
وعمر خلصته اشتهيك ومحتــرگ
العـــزيز يبين مــن الملگه حــار
منيــن ماجــهبك تحــير بالشـبگ
انه اعرفك مو الي بس شاره هاي
البدوي هيج يموت لو يغفه على ناي
ادري محني من امشي جي فاگد عزيز
ســـالفة وادم غرب صاير گفــاي
اليبس ملگه ويشتهيني اترسله نيل
المايحطني ابـــاله مايشتم هواي
يعرض گــــبالي گبر من اشتهيك
ليش وانت گبالي ماصافي اعلى راي
شما نويت انساك يوگف گلبي ليش
ويعثر بـــريحة قميصك مــشتهاي
الســـولفولك عنـي حگهم ما الوم
شــــلون وي عاگولهم يرهم نداي
وما اريد إطول سالفتي بجفاكــــ
ارحــم ابنادم صـــدگ گله انه جاي
