وجدان الواسطي
كبل شطــار ناخـذ عشرة بالانشاء
ونغلــط المعلــــــم مــن يـرد املاء
كبل حـب الوطن مطـبوع بالشريان
من نكتب حروفه يصير عدنه اغماء
كبل جــان الوطــن يفــتخر بالطلاب
ويوزع هدايـــــه لـو طلعـــنه اعفاء
وشكـــــد ابتسم لمــن اخذنه اسلاح
كال العلــم شـوكــه تخـوف الاعداء
تلميذ الوكــت ملتهــي بــس بالفيس
سارة يكلها احبج ساعة احب نجلاء
ناعــور الوطـن واكف بعــــــد ميدور
شلون نريده يزهي لـون جــف الماء
